Dagur Kári við Politiken: Stundum eins og allt á Íslandi sé á sterum

Dagur Kári leikstjóri og handritshöfundur Fúsa.
Dagur Kári leikstjóri og handritshöfundur Fúsa.

Politiken ræðir við Dag Kára í tilefni af sýningum á Fúsa í dönskum bíóum. Myndin, sem hlaut Kvikmyndaverðlaun Norðurlandaráðs í fyrra, fær mjög góða dóma í sama blaði.

Í viðtalinu segir Dagur Kári meðal annars að Íslendingar lifi í augnablikinu og það geri þeim kleift að koma jafn miklu í verk og raun ber vitni. Í Danmörku sé venjan að horfa lengra út á sjóndeildarhringinn til að reyna að sjá fyrir hugsanleg vandamál en ef maður hugsaði þannig á Íslandi færi maður aldrei út fyrir hússins dyr þar sem það sé í raun ekkert vit í að gera nokkurn skapaðan hlut á Íslandi.

„Í landi þar sem ekkert ætti að vera hægt, hefur maður á tilfinningunni að allt sé mögulegt,“ bætir Dagur Kári við.

Þá fær myndin fimm hjörtu af sex mögulegum hjá Kim Skotte, gagnrýnanda blaðsins, sjá hér.

Viðtalið í heild má sjá hér: Islandsk filminstruktør: »På godt og ondt er det, som om alt i Island er på steroider«

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

TENGT EFNI

NÝJUSTU FÆRSLUR