![Mark Cousins höfundur þáttanna, þvældist um víða veröld með kameruna sína í leit að sögu kvikmyndanna í þessum afbragðs þáttum.](https://i0.wp.com/klapptre.is/wp-content/uploads/2013/10/Mark+Cousins+Story+Film+Odessy+Premiere+2011+k5qAiqe7EFfl.jpg?resize=195%2C300&ssl=1)
Þáttaröðin Story of Film: An Odyssey hefst á RÚV mánudaginn 21. október. Þættirnir, sem eru 15 talsins, rekja sögu kvikmyndanna allt frá upphafi fram á okkar daga. Höfundur er hinni kunni breski gagnrýnandi Mark Cousins en þættirnir voru frumsýndir í Bretlandi 2011 og byggðir á bók hans frá 2004.
Hann ræðir við fjölda leikstjóra í þáttunum, meðal annars Alexandr Sokurov, Lars von Trier og Bernardo Bertolucci og ferðast um allan heim. Sérstaklega er gleðilegt hvað hann leggur mikla áherslu á heimsbíóið og sú nálgun hans að ganga mjög oft út frá þeim sem ruddu brautina er einnig afar áhugaverð.
Það er óhætt að mæla með þessari þáttaröð, sem líklega á sér enga líka í breidd.
Sjá nánar hér: Saga kvikmyndanna | RÚV.
Sjá hér pistil Hauks Más Helgasonar um þáttaröðina.