Heim Dreifing "Frost" keppir á Screamfest

„Frost“ keppir á Screamfest

-

frost-shooting
Frá tökum á Frosti eftir Reyni Lyngdal.

Mynd Reynis Lyngdal, Frost, keppir um „óskarsverðlaun hryllingsins“, gullnu hauskúpuna, á Screamfest, einni kunnustu hryllingsmyndahátíð heims. Hátíðin stendur yfir frá 8. til 17. okt. í Los Angeles.

Oft er talað um Screamfest sem Sundance-hátíð hryllingsmyndanna og margar víðfrægar hrollvekjur fyrst náð hylli á hátíðinni. Nægir þar að nefna Paranormal Activity sem getið hefur af sér fjórar framhaldsmyndir og hefur myndaröðin halað inn milljarði Bandaríkjadala.

Í ráðgjafarnefnd Screamfest eiga sæti sannkallað landslið hrollvekjumeistara; Wes Craven (Nightmare On Elm Street, Scream), Clive Barker (Hellraiser, Candyman) John Landis (American Werewolf in London, The Blues Brothers), Roy Lee (The Ring, The Departed), goðsögnin John Carpenter (Halloween, The Fog, Escape from New York, The Thing), Eli Roth (Hostel) og Tobe Hooper (The Texas Chainsaw Massacre, Poltergeist).

Frost hefur verið seld til 55 landa m.a. Bretlands, Bandaríkjanna, Kanada, Kína, Rússlands og Mexíkó. Trust Nordisk sér um söluna á Frost.

Með aðalhlutverk fara Björn Thors og Anna Gunndís Guðmundsdóttir. Ingvar Þórðarson og Júlíus Kemp framleiddu myndina fyrir Kisa/Kvikmyndafélag Íslands.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

AGNES JOY framlag Íslands til Óskarsverðlauna

Kvikmyndin Agnes Joy verður framlag Íslands til Óskarsverðlauna 2021. Myndin var valin af dómnefnd Íslensku kvikmynda- og sjónvarpsakademíunnar, en í henni í sátu fulltrúar helstu fagfélaga íslenska kvikmyndaiðnaðarins, auk fulltrúa kvikmyndahúsa, gagnrýnenda og Kvikmyndamiðstöðvar Íslands.

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.