![Oddný Sen kvikmyndafræðingur.](https://i0.wp.com/klapptre.is/wp-content/uploads/2013/10/Oddný-Sen.jpg?resize=219%2C300&ssl=1)
Bíó Paradís hefur undanfarin tvö ár staðið fyrir kvikmyndasýningum fyrir grunn- og framhaldsskólanema þar sem markmiðið er fræðsla og efling kvikmyndalæsis. Sýningarnar hafa verið vinsælar og vel sóttar en þetta haustið hefst formleg kennsla í kvikmyndalæsi fyrir grunnskólanema í bíóinu undir stjórn Oddnýjar Sen kvikmyndafræðings.
Af þessu tilefni ræðir Oddný við Fréttablaðið í dag:
„Ég verð með námskeið fyrir alla grunnskóla landsins, fyrir börn og unglinga en þetta er í fyrsta skipti sem fræðsla samkvæmt aðalnámskrá grunnskólanna fer fram í kvikmyndahúsi,“ segir Oddný Sen, kvikmyndafræðingur og verkefnastjóri í Bíói Paradís.
“Tilgangur sýninganna er alhliða kvikmyndafræðsla og kvikmyndalestur. Börn og unglingar fá möguleika á að kynnast kvikmyndum sem hafa alþjóðlega gæðastimpla, eru klassískar perlur frá öllum skeiðum kvikmyndasögunnar, hafa skapað sér sess innan kvikmyndasögunnar og eru frá ýmsum þjóðlöndum.
Sjá nánar hér: Vísir – Kennsla samkvæmt námskrá í Bíó Paradís.
(Ath.: Ritstjóri Klapptrés var dagskrárstjóri Bíó Paradísar 2010-2013 og er því málið skylt.)