spot_img
HeimNý verk IT HATCHED frumsýnd 9. september

[Stikla] IT HATCHED frumsýnd 9. september

-

Hrollvekjukómedían It Hatched eftir Elvar Gunnarsson verður frumsýnd í Laugarásbíói 9. september.

Myndin var heimsfrumsýnd á Austin Film Festival í Texas í október í fyrra og hlaut þar ágætar viðtökur. Í mars síðastliðnum var hún valin besta alþjóðlega myndin á Midwest Weird Fest hátíðinni í Wisconsin í Bandaríkjunum.

Par flytur frá erilsamri stórborg í Bandaríkjunum á afskekktan stað á Vestfjörðum í leit að frið og ró. Áform þeirra raskast þó þegar forn vættur gerir var við sig undir kjallara hússins og konan verpir eggi.

Með helstu hlutverk fara Gunnar Kristinsson, Vivian Ólafsdóttir, Þór Túliníus, Halldóra Geirharðsdóttir, Björn Jörundur og Halldór Gylfason.

Elvar skrifar einnig handrit ásamt Ingimar Sveinssyni og Magnúsi Ómarssyni. Framleiðendur eru Vilius Petrikas, Búi Baldvinsson, Bent Kingo Andersen, Heimir Bjarnason, Birkir Sigurjónsson, Guðfinnur Ýmir Harðarson, Magnús Ómarsson og Jana Arnasdóttir fyrir Hero Productions.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR