HeimFréttirStyrktarsjóður stofnaður til stuðnings fjölskyldu Árna Óla

Styrktarsjóður stofnaður til stuðnings fjölskyldu Árna Óla

-

Hópur vina og samstarfsfólks Árna Ólafs Ásgeirssonar og eiginkonu hans Mörtu stofnuðu styrktarsjóð til stuðnings fjölskyldunni fyrir nokkru. Halldóra Geirharðsdóttir leikkona fer fyrir hópnum. Hún birti í gær nýja færslu á Facebook síðu söfnunarinnar.

Halldóra skrifar:

Elsku vinir, ættingjar og samferðafólk Árna Óla og Mörtu.

Sorgin er þung.

Fyrir hönd Mörtu vil ég segja ykkur að þau Árni fengu að vita af þessum hóp og voru djúpt snortin yfir ástinni og kærleikanum sem þau fundu með fjárhagslegum stuðningi ykkar. Árni Óli vildi sjálfur skrifa þakkar bréf til ykkar, um leið og hann gæti, en veikindin sigruðu tímann.

Við vinir þeirra og fjölskylda viljum halda þessum stuðnings-reikningi opnum áfram, og gefa þeim sem vilja tækifæri til að styðja við bakið á Mörtu og Iwo. Langa ferðalagið sem framundan er hér í „tímanum“ verður þeim örlítið léttara án fjárhagsáhyggjanna – kannski getum við einmitt gefið þeim meiri tíma til að fóta sig án Árna Óla.

Ykkur er frjálst að deila upplýsingum um þennan stuðningsreikning, og bæta fólki í þennan hóp.

Kærleikskveðja til ykkar allra og takk fyrir stuðninginn – hann er hrein ást.

Með augun full af tárum, Dóra

REIKNINGSUPPLÝSINGAR:
Arion: 0372-13-112797
Kt. 120868-5789
IBAN IS040372131127971208685789
SWIFT ESJAISRE

Facebook síða söfnunarinnar er hér.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR