Heim Fréttir "The Unknown Soldier" slær opnunarhelgarmet í Finnlandi

„The Unknown Soldier“ slær opnunarhelgarmet í Finnlandi

-

Rammi úr The Unknown Soldier.

The Unknown Soldier (Tuntematon sotilas) eftir Aku Louhimies var frumsýnd í Finnlandi um síðustu helgi og sló þar opnunarhelgarmet, en um 170 þúsund áhorfendur sáu myndina. Ingvar Þórðarson og Júlíus Kemp hjá Kisa eru meðal meðframleiðenda.

Myndin gerist á tímum seinni heimsstyrjaldarinnar og sögusviðið er stríðið milli Finnlands og Sovétríkjanna 1941-1944. Þetta er fjölpersónusaga sem lýsir mörgum ólíkum einstaklingum innan tiltekinnar herdeildar, allt frá herkvaðningu til vopnahlés.

The Unknown Soldier er gerð í tilefni hátíðahalda Finna vegna 100 ára afmælis sjálfstæðis landsins. Kostnaður nemur um 850 milljónum króna, en finnski herinn lagði einnig til aðstöðu, tæki og tól til gerðar myndarinnar.

ScreenDaily fjallar um velgengni myndarinnar hér.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Ástralska útgáfan af HRÚTUM gerir það gott í heimalandinu, Sam Neill tilnefndur sem besti leikari í aðalhlutverki

Rams, ástralska útgáfan af Hrútum Gríms Hákonarsonar með Sam Neill í aðalhlutverki, er að gera það gott í kvikmyndahúsum Ástralíu þessa dagana. Myndin opnaði í efsta sæti og hefur nú verið sýnd í fimm vikur við miklar vinsældir.

Stiklur þriggja væntanlegra heimildamynda, SÓLVEIG MÍN, HÆKKUM RÁNA og THE AMAZING TRUTH ABOUT DADDY GREEN

IDFA heimildamyndahátíðin sem nú stendur yfir, hefur birt stiklu þar sem þrjár væntanlegar íslenskar heimildamyndir eru kynntar, Sólveig mín eftir Körnu Sigurðardóttur og Claire Lemaire Anspach, Hækkum rána eftir Guðjón Ragnarsson og The Amazing Truth about Daddy Green eftir Olaf de Fleur. Stikluna má skoða hér.