Heim Fréttir Heimildamyndin "Skjól og skart" í Bíó Paradís frá 14. september

[Stikla] Heimildamyndin „Skjól og skart“ í Bíó Paradís frá 14. september

-

Skjól og skart er ný heimildamynd eftir Ásdísi Thoroddsen um íslenska þjóðbúninga og handverkið og menninguna sem tengist þeim. Myndin var frumsýnd á Skjaldborgarhátíðinni í vor en sýningar hefjast í Bíó Paradís þann 14. september.

Í kynningu um myndina segir:

Það er vinsæl iðja „að koma sér upp búning“. Verkið allt er tímafrekt, erfitt og getur orðið afar dýrt. Hvers vegna tekur fólk sér þetta fyrir hendur þegar búningarnir eru næstum aldrei bornir nú á dögum?

Hópur kvenna tekur þátt í námskeiði til að sauma upphlut og peysuföt. Á meðan þær stunda saumaskapinn segja þær frá því hvers vegna þær taka sér þetta verk fyrir hendur og hvað íslensku búningarnir þýða fyrir þær. Út frá samræðum kvennanna kvikna spurningar sem leitað er svara við. Hvort sem um er að ræða pólitísk þýðing búninganna á 19. öld eða nýr háttur að bera þá.

Eftir því sem verki þeirra vindur fram er sýnt handverk búninganna; vefnaðurinn, víravirkið, útsaumurinn, jurtalitunin, knipplunin og svo framvegis.

Þetta er kvikmynd um fallegt handverk, hlaðið tilfinningu, menningarsögu og – pólitík.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

AGNES JOY framlag Íslands til Óskarsverðlauna

Kvikmyndin Agnes Joy verður framlag Íslands til Óskarsverðlauna 2021. Myndin var valin af dómnefnd Íslensku kvikmynda- og sjónvarpsakademíunnar, en í henni í sátu fulltrúar helstu fagfélaga íslenska kvikmyndaiðnaðarins, auk fulltrúa kvikmyndahúsa, gagnrýnenda og Kvikmyndamiðstöðvar Íslands.

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.