spot_img
HeimNý verk Heimildamyndin TÍMAR TRÖLLANNA eftir Ásdísi Thoroddsen frumsýnd 3. nóvember

[Stikla] Heimildamyndin TÍMAR TRÖLLANNA eftir Ásdísi Thoroddsen frumsýnd 3. nóvember

-

Heimildamyndin Tímar tröllanna eftir Ásdísi Thoroddsen verður frumsýnd í Bíó Paradís 3. nóvember.

Í kynningu segir:

Tröllin í fjöllunum, tröllin í okkur sjálfum. Tröll hafa fylgt mannkyni í goðsögum og raunverulegri sögu, allt eftir því hvaða skilningur var settur í orðið á hverjum tíma. Tröllin eru hluti af íslenskri menningu og birtast í rituðum sögum, lagabókum og munnlegum arfi.

Sögulega séð hafa tröllin staðið fyrir fólk, sem stendur utan samfélagsins og er því hættulegt eða er innan vébanda þess, en sýnir andfélagslega hegðun. Þá tákna tröllin líka ógnir þær sem að okkur steðja og eru oft handan skilnings okkar.

Aðalheiður Guðmundsdóttir, Arngrímur Vídalín, Ármann Jakobsson, Bjarni Harðarson, Bjarni Hermannsson, Dagrún Ósk Jónsdóttir, Eyrún Eyþórsdóttir, Ingunn Ásdísardóttir, Jón Jónsson, Kristian Guttesen, Lára Magnúsardóttir, Óttar Guðmundsson, Rósa Þorsteinsdóttir, Sigfús Mar Vilhjálmsson, Sigursteinn Hjartarson, Skúli Björn Gunnarsson, Sverrir Jakobsson, Sævar Egilsson og Terry Gunnell koma fram í myndinni.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR