![Atli Óskar Fjalarsson og Ingvar E. Sigurðsson í Þröstum.](https://i0.wp.com/klapptre.is/wp-content/uploads/2015/10/Þrestir-ingvar-atli.jpg?resize=696%2C376&ssl=1)
Þrestir Rúnars Rúnarssonar hlaut aðalverðlaunin í svokölluðum 1-2 flokki á kvikmyndahátíðinni í Varsjá í Póllandi sem lauk í kvöld. 1-2 flokkurinn vísar í að myndin sé fyrsta eða önnur mynd leikstjóra.
Í umsögn dómefndar segir að myndin hljóti verðlaunin fyrir meistaralega og ljóðræna frásögn af andhetju, með ógleymanlegum húmanískum endapunkti.
Rúnar tók á móti verðlaununum, en skammt er síðan myndin hlaut Gullnu skelina í San Sebastian. Myndin er á leið á fjölmargar hátíðir á næstu vikum og mánuðum.