Júlíus Kemp leikstjóri og framleiðandi hefur verið valinn í dómnefnd Neuchâtel International Fantastic Film Festival (NIFFF) sem fram fer í fjórtánda skiptið í Sviss dagana 4.-12. júlí.
Hátíðin leggur sérstaka áherslu á fantasíumyndir, myndir frá Asíu og það sem þau kalla „myndir framtíðarinnar“, þ.e. kvikmyndir sem leggja sérstaka áherslu á stafræna vinnslu.
Heiðursgestir hátíðarinnar í ár verða George R. R. Martin, höfundur Game of Thrones og Kevin Smith leikstjóri.
