Screen segir „Thor: The Dark World“ dýrðlega skemmtun

Thor The Dark WorldMark Adams, aðalgagnrýnandi bransamiðilsins Screen, fjallar um Thor: The Dark World, sem meðal annars var filmuð hér á landi síðastliðið sumar. Adams er ekkert að skafa utan af því, myndin sé meiriháttar skemmtun sem skaffi allt sem til þarf og muni líklega tröllríða miðasölunni í dágóðan tíma.

Í þessu sambandi er þarft að hafa í huga að frásagnirnar af Þór þrumuguði voru upphaflega ritaðar hér á landi fyrir tæpum átta öldum og liggur Snorri nokkur Sturluson þar undir grun…

Adams segir m.a.:

Thor: The Dark World is a gloriously entertaining film that delivers spectacle, action, a daft elf villain, some smart 3D moments and – most importantly – a whole lot of fun as it weaves its tale of derring-do on various worlds, before ending up back on Earth for a no-holds barred action climax.

True North þjónustaði verkefnið hér á landi.

Sjá nánar hér: Thor: The Dark World | Reviews | Screen.

TENGT EFNI

Óttast uppsagnir starfsfólks verði fyrirhugaðar breytingar á endurgreiðslulögum að veruleika

Forstjóri Sagafilm óttast að þurfa að segja upp öllu sínu starfsfólki, verði frumvarp til breytinga á lögum um endurgreiðslur í kvikmyndaiðnaði samþykkt. Önnur framleiðslufyrirtæki hafa gert alvarlegar athugasemdir við fyrirhugaðar breytingar. Þetta kemur fram á vef RÚV.

SUMARLJÓS OG SVO KEMUR NÓTTIN valin í verk í vinnslu á Les Arcs

Sumarljós og svo kemur nóttin eftir Elfar Aðalsteins hefur verið valin til þátttöku í verk í vinnslu hluta Les Arcs kvikmyndahátíðarinnar. 17 kvikmyndir í eftirvinnslu verða kynntar fyrir fagaðilum í kvikmyndaiðnaðinum, en viðburðurinn er hluti af Industry Village sem fer fram í stafrænu formi dagana 20.-22. janúar.

A SONG CALLED HATE keppir í Gautaborg

Heimildamynd Önnu Hildar Hildibrandsdóttur, A Song Called Hate, mun taka þátt í keppni norrænna heimildamynda (Nordic Documentary Competition) á kvikmyndahátíðinni í Gautaborg, sem haldin verður dagana 29. janúar - 8. febrúar. Hátíðin er sú stærsta á Norðurlöndunum og fer nú fram í 44. skipti, en að þessu sinni í stafrænu formi.