[Stikla, plakat] “Vetrarbræður” eftir Hlyn Pálmason

Stikla Vetrarbræða (Vinterbrödre) fyrstu bíómyndar Hlyns Pálmasonar, hefur verið opinberuð og má skoða hana hér. Myndin, sem er dönsk/íslensk framleiðsla, verður heimsfrumsýnd á kvikmyndahátíðinni í Locarno í dag.
Posted On 03 Aug 2017

Á þriðja tug íslenskra kvikmynda á leiðinni uppá tjald á næstunni

Útlit er fyrir fjölda frumsýninga íslenskra kvikmynda í haust og á fyrrihluta næsta árs eða sextán bíómynda og að minnsta kosti átta heimildamynda í fullri lengd. Aldrei áður hafa jafn margar myndir verið tilbúnar eða á lokastigum vinnslu.
Posted On 31 Jul 2017

“Undir trénu” í keppni í Feneyjum

Undir trénu Hafsteins Gunnars Sigurðssonar hefur verið valin til þátttöku í Orrizonti keppni Kvikmyndahátíðarinnar í Feneyjum sem er hluti af aðaldagskrá hennar. Feneyjahátíðin er stofnuð 1932 og því sú elsta sinnar tegundar, ein af hinum þremur stóru ásamt Cannes og Berlín. Hún verður haldin í 74. skiptið í ár dagana 30. ágúst til 9. september.
Posted On 28 Jul 2017

Veigar Margeirsson semur tónlist fyrir stiklu “Ready Player One” eftir Spielberg

Veigar Margeirsson tónskáld semur tónlist fyrir stiklu kvikmyndarinnar Ready Player One sem Steven Spielberg leikstýrir. Myndin kemur út á næsta ári en stiklan er kynnt á yfirstandandi Comic Con hátíð í San Diego.
Posted On 24 Jul 2017

“Flateyjargátu” frestað um ár

Framleiðslu þáttaraðarinnar Flateyjargátan, er byggjast á bók Viktors Arnars Ingólfssonar, hefur verið slegið á frest þar sem ekki fékkst úthlutun úr Kvikmyndasjóði.
Posted On 19 Jul 2017

“Rökkur” verðlaunuð á Outfest

Rökkur Erlings Thoroddsen hlaut sérstök verðlaun fyrir listrænt framlag á Outfest hátíðinni sem lauk s.l. helgi. 
Posted On 19 Jul 2017

Samdráttur í veltu fyrstu mánuði ársins

Fyrstu vísbendingar um veltuna í íslenska kvikmynda- og sjónvarpsgeiranum á þessu ári má sjá í nýju grafi sem Hilmar Sigurðsson hefur gert og byggir á gögnum Hagstofunnar. Veltutölur fyrir tímabilið janúar-apríl sýna um helmings lækkun frá sambærilegu tímabili síðasta árs en engu að síður er þetta þriðja hæsta veltan í sögunni.
Posted On 15 Jul 2017

Baltasar Kormákur vinnur með Robert Richardson að “Adrift”

Baltasar Kormákur dvelur nú á Fiji-eyjum við tökur á kvikmyndinni Adrift með Shailene Woodley í aðalhlutverki. Tökumaður myndarinnar er engin annar en Robert Richardson, þrefaldur Óskarsverðlaunahafi og einn sá kunnasti sinnar tegundar. Lilja Sigurlína Pálmadóttir, eiginkona Baltasars, birtir þessa mynd á Fésbókarsíðu sinni af þeim Baltasar og Robert Richardson og gaf Klapptré góðfúslegt leyfi til að birta.
Posted On 14 Jul 2017

Teymisfjármögnun (Crewfunding) kynnt í tengslum við tökur á “Tryggðarpanti”

Askja Films og Rebella Filmworks, framleiðendur kvikmyndarinnar Tryggðarpantur sem fer í tökur í haust, munu halda sérstaka kynningu á fyrirbærinu Teymisfjármögnun (Crewfunding) í samvinnu við breska fyrirtækið Big Couch.
Posted On 14 Jul 2017

Laufey ræðir úthlutunina til annarrar syrpu “Ófærðar”

Laufey Guðjónsdóttir, forstöðumaður Kvikmyndamiðstöðvar Íslands, ræddi við útvarpsstöðina K100 um nýgerða úthlutun til annarrar syrpu Ófærðar og þær deilur sem hafa skapast vegna þess. Horfa má á viðtalið hér.
Posted On 12 Jul 2017

Gísli Örn um þáttaröðina “Verbúð”: Mik­il og marglaga saga

Gísli Örn Garðarsson ræðir meðal annars um fyrirhugaða þáttaröð sem Vesturport er með í undirbúningi í samvinnu við RÚV, í viðtali við Morgunblaðið. Þáttaröðin kallast Verbúð og verður í átta hlutum. Verkefnið var kynnt á Scandinavian Screenings á dögunum.
Posted On 12 Jul 2017

Tökur hafnar á “Kona fer í stríð”

Tökur hófust í gær á Nesjavallavegi á kvikmynd Benedikts Erlingssonar, Kona fer í stríð. Hér má sjá nokkrar svipmyndir frá tökum.
Posted On 12 Jul 2017

SÍK óskar eftir fundi með fulltrúum KMÍ og ráðuneytis vegna úthlutunar

SÍK hefur óskað eftir fundi með fulltrúum Kvikmyndamiðstöðvar og mennta- og menningarmálaráðuneytisins vegna úthlutunar til annarrar syrpu Ófærðar. Þetta kemur fram í Fréttablaðinu.
Posted On 12 Jul 2017

SÍK: Reglur brotnar við úthlutun, kallar eftir endurskoðun á verklagi

Samband íslenskra kvikmyndaframleiðenda, SÍK, hefur sent frá sér tilkynningu varðandi nýlegar ákvarðanir um úthlutanir vilyrða úr Kvikmyndasjóði. SÍK telur að reglur hafi verið brotnar og að endurskoða þurfi verklag.
Posted On 10 Jul 2017

Aðsókn | “Ég man þig” komin yfir 44 þúsund gesti

Ég man þig er áfram í sjötta sæti sæti aðsóknarlistans eftir tíundu sýningarhelgi en alls hafa 44,196 manns séð myndina.
Posted On 10 Jul 2017

New Europe Film Sales selur “Vetrarbræður” á heimsvísu, tekur þátt í keppni í Locarno

Sölufyrirtækið New Europe Film Sales annast sölu á væntanlegri bíómyndarfrumraun Hlyns Pálmasonar, Vetrarbræðrum. Myndin mun taka þátt í keppni á Locarno hátíðinni sem hefst í byrjun ágúst. Anton Máni Svansson og Guðmundur Arnar Guðmundsson hjá Join Motion Pictures meðframleiða.
Posted On 10 Jul 2017

“Byltingin er hafin!” fær 12 milljón króna vilyrði frá KMÍ

Heimildamyndin Byltingin er hafin! í stjórn Hjálmtýs Heiðdal og Sigurðar Skúlasonar hefur fengið 12 milljón króna vilyrði frá Kvikmyndamiðstöð. Myndin segir frá því þegar ellefu íslenskir námsmenn fóru inn í íslenska sendiráðið í Stokkhólmi 20. apríl 1970, lýstu því yfir að sósíalísk bylting á Íslandi væri nauðsyn og drógu rauðan fána að húni.
Posted On 10 Jul 2017

Gagnrýnt að önnur syrpa “Ófærðar” fái vilyrði þrátt fyrir ókláruð handrit

Önnur syrpa Ófærðar hlaut vilyrði í júnímánuði fyrir sextíu milljóna styrk frá Kvikmyndasjóði þótt ekki væri búið að skrifa handrit að öllum þáttunum í seríunni. Laufey Guðjónsdóttir, forstöðumaður Kvikmyndamiðstöðvar segir reglur ekki hafa verið brotnar, en Snorri Þórisson framleiðandi hjá Pegasus gagnrýnir ákvörðunina. Þetta kemur fram í Fréttablaðinu.
Posted On 10 Jul 2017

Gísli Snær: Hlakka til að starfa með kraftmiklum og klárum hópi hjá London Film School

"Ég hlakka til að vinna með þessum kraftmikla og klára hópi nemenda, kennara og annarra sem koma að skólanum," segir Gísli Snær Erlingsson, sem settur hefur verið skólastjóri London Film School, í spjalli við Klapptré. Gísli Snær segir helstu verkefnin framundan vera nýja námsskrá og flutningur frá miðborg London til austurhluta borgarinnar.
Posted On 07 Jul 2017

“Kurteist fólk” á DVD til styrktar börnum Stefáns Karls Stefánssonar og Steinunnar Ólínu

Poppoli Pictures, framleiðslufélag kvikmyndarinnar Kurteist fólk (2011) og dreifingaraðilinn Myndform, bjóða DVD eintök af myndinni til sölu til styrktar menntasjóði barna Stefáns Karls Stefánssonar og Steinunnar Ólínu. Stefán Karl fór með aðalhlutverkið í myndinni sem tekin var upp í Búðardal sumarið 2009 en Stefán hefur á undanförnum mánuðum barist hetjulega við krabbamein sem nú hefur tekið sig upp aftur.
Posted On 07 Jul 2017

Gísli Snær Erlingsson settur skólastjóri London Film School

Gísli Snær Erlingsson, sem hefur starfað sem sviðsstjóri náms (Head of Studies) hjá hinum kunna London Film School síðan í fyrrahaust, hefur verið settur skólastjóri skólans frá næsta hausti.
Posted On 07 Jul 2017

Aðsókn | “Ég man þig” komin með um 43,500 gesti

Ég man þig er nú í sjötta sæti sæti aðsóknarlistans eftir níundu sýningarhelgi en alls hafa 43,542 manns séð myndina.
Posted On 05 Jul 2017

“Hvalfjörður” verðlaunuð í Nígeríu

Stuttmynd Guðmundar Arnars Guðmundssonar, Hvalfjörður, var valin besta erlenda stuttmyndin á Real Time Film Festival í Nígeríu á dögunum. Myndin kom út fyrir fjórum árum og hefur nú unnið til alls 48 alþjóðlegra verðlauna, þar á meðal hlaut hún dómnefndarverðlaun á Cannes hátíðinni 2013.
Posted On 04 Jul 2017

Lokað fyrir snemmbúna birtingu á “Out of Thin Air” á Netflix, frumsýnd í Bíó Paradís 9. ágúst

Heimildamyndin Out of Thin Air sem fjallar um Guðmundar- og Geirfinnsmálin, verður frumsýnd í Bíó Paradís 9. ágúst. Í gær kom í ljós að myndin var fyrir mistök fáanleg á Netflix, þar á meðal á Íslandi, en búið er að loka fyrir birtingu. Hún verður opinberuð hjá streymisveitunni í lok september en áður, í byrjun septembermánaðar, verður hún sýnd á RÚV.
Posted On 03 Jul 2017