Volaða land Hlyns Pálmasonar er meðal þeirra kvikmynda sem finna má á stuttlista Óskarsverðlaunanna yfir alþjóðlegar kvikmyndir ársins.
Tilnefningar til Óskarsverðlauna verða kynntar þann 23. janúar næstkomandi. Fimm kvikmyndir munu hljóta tilnefningu í flokknum Alþjóðleg kvikmynd ársins (International Feature Film). Óskarsverðlaunin verða veitt þann 10. mars.
Þetta er í þriðja sinn sem íslensk bíómynd birtist á stuttlista Óskarsverðlaunanna. Fyrir tveimur árum var Dýrið eftir Valdimar Jóhannsson á stuttlista fyrir Óskarinn 2022. Þá var Djúpið eftir Baltasar Kormák á stuttlista Óskarsverðlaunanna 2013.
Regluleg birting svokallaðra stuttlista, skömmu fyrir tilnefningar, er frekar nýlegt fyrirbrigði. Áður var nokkuð algengt að orðrómur um möguleika einstakra mynda væri gerð skil hjá kvikmyndafagmiðlum.
Myndirnar 15 á stuttlistanum eru:
Armenía, “Amerikatsi”
Bútan, “The Monk and the Gun”
Danörk, “The Promised Land”
Finnland, “Fallen Leaves”
Frakkland, “The Taste of Things”
Þýskaland, “The Teachers’ Lounge”
Ísland, “Godland”
Ítalía, “Io Capitano”
Japan, “Perfect Days”
Mexíkó, “Totem”
Marokkó, “The Mother of All Lies”
Spánn, “Society of the Snow”
Túnis, “Four Daughters”
Úkraína, “20 Days in Mariupol”
Bretland, “The Zone of Interest”
