Aðsókn | „Lof mér að falla“ að detta í 50 þúsund gesti eftir sjöundu helgi, „Undir halastjörnu“ í 8. sæti

Undir halastjörnu eftir Ara Alexander er í 8. sæti aðsóknarlistans eftir aðra sýningarhelgi. Alls hafa tæplega 50 þúsund manns séð Lof mér að falla hingað til.

1,122 sáu Undir halastjörnu um síðustu helgi, en alls eru gestir 2,408 eftir aðra helgi.

Alls sáu 2,619 gestir Lof mér að falla í vikunni, en heildarfjöldi gesta er 49,323 manns eftir 7 sýningarhelgar.

314 sáu Kona fer í stríð í vikunni. Alls hafa 19,002 séð myndina eftir 22. sýningarhelgi.

Bráðum verður bylting!, heimildamynd Hjálmtýs Heiðdal og Sigurðar Skúlasonar, sáu 131 í vikunni en alls hafa 200 manns séð hana.

Aðsókn á íslenskar myndir 15.-21. október 2018