spot_img
HeimFréttirHvað á streymisveita íslenskra kvikmynda að heita?

Hvað á streymisveita íslenskra kvikmynda að heita?

-

Kvikmyndamiðstöð Íslands undirbýr opnun streymisveitu til að bæta aðgengi að íslenskum kvikmyndaarfi og hefur kallað eftir tillögum að nafni streymisveitunnar.

Segir á vef KMÍ:

Markmið veitunnar er að bjóða almenningi heima og erlendis upp á fjölbreytt úrval íslenskra kvikmyndaverka – bíómyndir, heimildarmyndir og stuttmyndir.

Streymisveitan er hugsuð sem þjónusta þar sem hægt verður að nálgast myndir sem yfirleitt eru ekki fáanlegar annars staðar. Greitt er fyrir áhorf á hverri mynd og í flestum tilvikum verður um eldri verk að ræða. Greiðslur renna til rétthafa, að frádregnum útlögðum kostnaði.

Streymisveitan verður tengd „veituleit“ á Kvikmyndavefnum , þar sem finna má upplýsingar um hvar hægt er að nálgast íslensk kvikmyndaverk, innanlands og erlendis. Þannig verður hægt að finna þær myndir sem ekki eru á streymisveitunni á hverjum tíma.

Nú leitum við til ykkar varðandi hugmyndir að nafni streymisveitunnar. Það þarf að vera stutt og þjált og helst þannig að það gangi á bæði íslensku og ensku.

Dómnefnd velur vinningstillöguna.

Höfundur vinningstillögunnar fær árskort í Bíó Paradís fyrir tvo.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR