Anna Sæunn Ólafsdóttir framleiðandi, sem tók þátt í „pitch“ keppni Shorts TV á Cannes, þótti vera með bestu stuttmyndarhugmyndina og hlaut að launum fimm þúsund evrur eða um 742.000 krónur. Upphæðin fer uppí kostnað við gerð myndarinnar sem kallast Frelsun og verður leikstýrt af Þóru Hilmarsdóttur.
Klapptré sagði frá málinu í gær.
Þess má og geta að annar framleiðandanna, Eva Sigurðardóttir, vann sömu keppni í fyrra. Mynd hennar Regnbogapartý er nú í eftirvinnslu.
PS: Lýst er eftir íslensku heiti yfir „pitch“. Áhugasamir orðsmiðir noti Facebook plássið hér fyrir neðan.
