Íslenskar kvikmyndir halda áfram að sópa til sín miklum fjölda alþjóðlegra verðlauna, auk þess sem leikið sjónvarpsefni er einnig komið á verðlaunapallana. Alls hlutu íslenskar kvikmyndir og sjónvarpsefni 71 alþjóðleg verðlaun á árinu 2016.
Ung íslensk kvikmyndagerðarkona, Ugla Hauksdóttir, hlaut nú í vikunni verðlaun bandarísku leikstjórasamtakanna, The Directors Guild of America, sem besti kvenleikstjórinn í hópi leikstjórnarnema fyrir How Far She Went, útskriftarverkefni sitt frá kvikmyndadeild Columbia háskóla í New York.
Ugla Hauksdóttir útskrifast í dag úr leikstjórnarnámi sínu á meistarastigi við Columbia University í New York. Útskriftarmynd hennar, How Far She Went, hlaut Student Select Award og IFP Audience Award við útskriftarhátíð skólans sem fram fór fyrr í vikunni.