Eddan 2021

Edduverðlaunin 2021 voru afhent í sérstökum þætti sem sýndur var á RÚV í kvöld. Kvikmyndin Gullregn var valin kvikmynd ársins og hlaut 9 Eddur. Þáttaröðin Ráðherrann var valin leikið sjónvarpsefni ársins og A Song Called Hate hlaut Edduna sem heimildamynd ársins.

Edduverðlaunin 2021 verða afhent í sérstökum þætti sem sýndur verður á RÚV sunnudaginn 3. október. Tilnefningar má skoða hér.

Stjórn ÍKSA hefur ákveðið að hverfa frá því að halda fjölmenna samkomu í haust vegna Edduverðlauna vegna stöðunnar í faraldrinum. Í staðinn verður unnin sérstakur þáttur um verðlaunin líkt og gert var í fyrra. Miðað er við að hann verði sendur út um mánaðamótin september-október.

Stjórn ÍKSA hefur afráðið að Edduverðlaunin 2021 verði veitt með haustinu með það að markmiði að halda hefðbundna Edduhátíð. Þetta kemur fram í fréttatilkynningu frá stjórn ÍKSA. 

Tilnefningar til Edduverðlauna 2021 hafa verið opinberaðar. Þáttaröðin Brot fær flestar tilnefningar eða 15 talsins, en þó ekki tilnefningu fyrir leikið sjónvarpsefni ársins. Kvikmyndin Gullregn fær 12 tilnefningar. Þáttaröðin Ráðherrann hlýtur 7 tilnefningar, þar á meðal sem leikið sjónvarpsefnis ársins, en ekki fyrir handrit eða leikstjórn. Heimildamyndin Þriðji póllinn leiðir flokk heimildamynda með 4 tilnefningar, en fær ekki tilnefningu sem heimildamynd ársins.

Skilafrestur innsendinga vegna Edduverðlauna 2021 er liðinn og valnefndir eru að hefja störf. Tilefningar verða opinberaðar 19. mars næstkomandi.

Opnað hefur verið fyrir innsendingar á kvikmynda- og sjónvarpsverkum fyrir Edduna 2021. Gjaldgeng eru verk frumsýnd opinberlega á tímabilinu 1. janúar til 31. desember 2020.