Skjálfti, fyrsta bíómynd Tinnu Hrafnsdóttur, er frumsýnd í dag í kvikmyndahúsum.
Þegar Saga vaknar upp eftir heiftarlegt flogakast á Klambratúni man hún lítið sem ekkert hvað gerðist í aðdraganda þess. Í leit hennar að upplýsingum um sjálfa sig og sína nánustu fara minningar sem Saga bældi niður sem barn að koma upp á yfirborðið, minningar sem neyða hana til að horfast í augu við sjálfa sig og fjölskyldu sína sem tekist hafði að þegja ógnvænlegt leyndarmál í hel.
Anita Briem fer með aðalhlutverkið en í öðrum helstu hlutverkum eru Edda Björgvinsdóttir, Jóhann Sigurðarson, Tinna Hrafnsdóttir og Sveinn Geirsson.
Auk þess að leikstýra skrifar Tinna handrit, sem byggt er á skáldsögunni Stóri skjálfti eftir Auði Jónsdóttur. Hlín Jóhannesdóttir og Tinna Hrafnsdóttir framleiða fyrir Ursus Parvus og Freyja Filmworks.
