spot_img
HeimBransinnUmráðafé KMÍ 2022 samkvæmt fjárlagafrumvarpi

Umráðafé KMÍ 2022 samkvæmt fjárlagafrumvarpi

-

Kvikmyndamiðstöð hefur birt frétt á vef sínum um fjárheimildir stofnunarinnar 2022 samkvæmt fjárlagafrumvarpi.

Á vef KMÍ segir:

Fjárlagafrumvarp fyrir árið 2022 hefur verið lagt fram á Alþingi. Í fylgiriti með frumvarpinu má sjá hvaða tillaga er gerð um fjárheimildir til Kvikmyndamiðstöðvar Íslands á árinu 2022.

Þegar litið er til fjárlagatillögu til Kvikmyndamiðstöðvar 2022 og samþykktra fjárlaga á árinu 2021 sést að það er lítil sem engin breyting milli ára.

Taflan að neðan sýnir fjárlagatillögu skv. fjárlagafrumvarpi ársins 2022 samanborið við samþykkt fjárlög áranna 2020 og 2021.

Með nýrri kvikmyndastefnu tók Kvikmyndamiðstöð við nýjum verkefnum og fjármagni á árinu 2021, sem endurspeglast í 98 m.kr. hækkun á rekstrarlið Kvikmyndamiðstöðvar og 412 m.kr. hækkun á framlagi til Kvikmyndasjóðs, miðað við fyrra ár.

Taflan sýnir að fjármunir vegna nýrrar kvikmyndastefnu halda sér að mestu. Það fjármagn rennur m.a. til eflingar styrkjakerfis í Kvikmyndasjóði, aukins framlags til kvikmyndahátíða og listrænna kvikmyndahúsa, nýrra verkefna til að efla mynd- og miðlalæsi og átaks í að beta aðgengi að íslenskum kvikmyndum.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR