Elliot Crosset Hove, sem fer með aðalhlutverkið í Vetrarbræðrum Hlyns Pálmasonar, var valinn besti leikarinn á Locarno hátíðinni sem lýkur í dag.
Þetta eru fyrstu alþjóðlegu verðlaun myndarinnar, sem var heimsfrumsýnd á hátíðinni. Hún verður sýnd hér á landi í haust.
Vetrarbræður hefur verið ein af umtöluðustu myndunum á hátíðinni samkvæmt bæði Cineuropa og Variety.
Jan Naszweski hjá New Europe Film Sales hefur þegar gengið frá sölu myndarinnar til Póllands og Grikklands. Viðræður standa yfir við dreifingaraðila í Bandaríkjunum, Ástralíu og Frakklandi.
