Róbert Douglas ráðinn kvikmyndaráðgjafi

Róbert Ingi Douglas leikstjóri og handritshöfundur hefur verið ráðinn sem kvikmyndaráðgjafi hjá Kvikmyndamiðstöð Íslands. Á sama tíma var gengið frá ráðningu Önnu Maríu Karlsdóttur framleiðanda, sem hefur starfað sem kvikmyndaráðgjafi hjá KMÍ í tímabundinni stöðu frá því í júní á þessu ári. Þá hefur Svava Lóa Stefánsdóttir verið ráðin í starf skrifstofumanns og hóf störf í október.
Posted On 06 Nov 2018

Island of Football ætlar að safna þrjúhundruð þúsund áskrifendum á YouTube

Island of Football kallast rás á YouTube þar sem fjallað er um fótbolta og allt honum tengt af gamansamri alvöru. Þorsteinn Bachmann leikari bregður sér þar í hlutverk ástríðufulls fótboltaunnanda en Róbert Douglas leikstjóri er á bakvið tjöldin þó honum bregði einnig stundum fyrir. Hér er skemmtilegt viðtal Þorsteins við Ingvar Þórðarson framleiðanda sem bendir þeim á að ekki dugi að vera með aðeins 300 áskrifendur, þeir þurfi að vera að minnsta kosti þúsund sinnum fleiri.
Posted On 12 Oct 2016

“Svona er Sanlitun” dreift í Kína

Róbert Douglas tilkynnir á Facebook síðu sinni að hann hafi undirritað samning um dreifingu myndar sinnar Svona er Sanlitun (This is Sanlitun) í Kína.
Posted On 27 Jan 2014

Djöflaeyjan: “Svona er Sanlitun” nær ekki flugi

Bergsteinn Sigurðsson kvikmyndagagnrýnandi og Jón Karl Helgason bókmenntafræðingur gagnrýna kvikmyndina Svona er Sanlitun eftir Róbert Douglas í Djöflaeyjunni á RÚV. Bergsteinn segir persónur viðkunnanlegar en myndin beri þess merki að vera gerð af svolitlum vanefnum og fari aldrei á það stig fáránleikans að verða fyndin eða ná neinu flugi. Hann gagnrýnir jafnframt val myndarinnar sem opnunarmyndar RIFF. Jón Karl talar um notalegan húmor en stærsti gallinn væri sá að maður trúði aldrei á aulagang persónanna. Sjá nánar hér: Pallborðið | RÚV.
Posted On 02 Oct 2013

DV: “Svona er Sanlitun” – Íslenski draumurinn í Peking

Símon Örn Birgisson hjá DV skrifar um Svona er Sanlitun: “Myndin er vel skrifuð, samtölin óborganleg og Róbert gerir vel með því að láta mann finna til samúðar með persónum sínum, hlæja að þeim, kenna í brjósti um þær og standa með þeim. Mann langar til að Gary finni sína fjöl en um leið veit maður að hann er klúðrari og glutrar öllu úr höndunum á sér. Gary gæti jafnvel táknað íslensku útrásina þegar hárlengingarkremið slær skyndilega í gegn en ómeðvitað gerir hann heilt kínverskt þorp gjaldþrota með braski sínu.” Sjá nánar hér: Íslenski draumurinn í Peking – DV.
Posted On 01 Oct 2013

“Svona er Sanlitun” fær þrjár stjörnur hjá Morgunblaðinu

"Frásögnin er í heildina flæðandi en þó misjafnlega fyndin, myndin rokkar á milli þess að vera í besta falli brosleg yfir í að vera sprenghlægileg" segir Helgi Snær Sigurðsson í gagnrýni sinni um myndina.
Posted On 30 Sep 2013

“Svona er Sanlitun” í almennar sýningar 7. október

Svona er Sanlitun (This is Sanlitun), nýjasta mynd Róberts Douglas, verður frumsýnd 26. september sem opnunarmynd RIFF í ár en almennar sýningar hefjast síðan á henni þann 7. október eða strax að RIFF hátíðinni lokinni. Sena dreifir myndinni. Myndin segir af Ameríkananum Gary sem staddur er í Beijing til að láta stóra drauma rætast, en eftir að hafa mistekist að sjarmera Kínverja í viðskiptum snýr hann sér að enskukennslu og kynnist Ástralanum Frank sem býðst til að leggja honum lífreglurnar um kínverska siði og háttu. Smám saman kemur þó í ljós að raunverulega ástæðan fyrir komu Garys til Kína er að ná aftur sambandi við kínverska konu sína og barn þeirra. Myndin var alheimsfrumsýnd á kvikm
Posted On 22 Sep 2013

Svona er Sanlitun opnar RIFF

Mynd Róberts Douglas, Svona er Sanlitun, verður opnunarmynd Alþjóðlegrar kvikmyndahátíðar í Reykjavík í ár. Myndin var heimsfrumsýnd á kvikmyndahátíðinni í Toronto þann 10. september s.l. Vísir greinir frá. Sjá nánar hér: Vísir – Svona er Sanlitun opnunarmynd RIFF. Stikla myndarinnar er hér:
Posted On 12 Sep 2013

Wall Street Journal spjallar við Róbert Douglas í Toronto

Wall Street Journal ræðir við Róbert Douglas leikstjóra í Toronto þar sem hann er staddur á hinni árlegu kvikmyndahátíð þar í borg, þeirri stærstu í N-Ameríku. Róbert kynnir þar mynd sína This is Sanlitun, sem tekur þátt í hátíðinni. ‘This Is Sanlitun’ to Premiere at Toronto Film Festival – Speakeasy – WSJ.
Posted On 09 Sep 2013