Heather Millard

Heather Millard framleiðandi hefur verið ráðin í stöðu aðjúnkts við Kvikmyndalistadeild Listaháskólans.

Vel gengur að selja Ljósbrot Rúnars Rúnarssonar á alþjóðlegum kvikmyndamarkaði.

Heather Millard, framleiðandi íslensks kvikmyndaverkefnis í þróun, hlaut Producers Network-viðurkenninguna á samframleiðslumarkaði evrópsku kvikmyndahátíðarinnar í Les Arcs í Frakklandi, sem fram fór 16.-19. desember.

Kuldi eftir Erling Óttar Thoroddsen verður frumsýnd 1. september næstkomandi. Myndin er byggð á samnefndri metsölubók Yrsu Sigurðardóttur.

Norræni kvikmynda- og sjónvarpssjóðurinn hefur veitt kvikmyndinni Ljósbrot í leikstjórn Rúnars Rúnarssonar tæplega 19 milljón króna styrk. Þetta var tilkynnt í dag. Tökur hefjast í haust.

Heimildamyndin Garn/Yarn sem framleidd er af Compass Films hefur fengið góðar móttökur víða um heim á undanförnum misserum. Þannig var hún sýnd í kvikmyndahúsum í Bandaríkjunum, Bretlandi og vel á þriðja tug annarra landa. Nú er hún til sýnis í yfir 20 kvikmyndahúsum í Japan.

Heimildamyndin Garn eftir Unu Lorenzen, Heather Millard og Þórð Jónsson hlaut áhorfendaverðlaun Nordisk Panorama nú í kvöld.

Sýningar á heimildamyndinni Garn eftir Unu Lorenzen hefjast í Bíó Paradís á morgun, 9. september. Heather Millard og Þórður Jónsson framleiða.

Heather Millard og Þórður Jónsson hjá Compass Films eru meðframleiðendur The Wall, norsk/írskrar heimildamyndar um N-Kóreu sem á dögunum bar sigur úr býtum í flokki mannréttindakvikmynda á kvikmyndahátíðinni í Galway á Írlandi.

Dreifingarfyrirtækið Bond/360 í New York hefur tryggt sér Ameríkurétt á heimildamynd Unu Lorenzen, Garni, sem sýnd verður á SXSW hátíðinni í Texas þann 12. mars.

Heimildamyndin Veðrabrigði eftir Ásdísi Thoroddsen verður frumsýnd í Bíó Paradís þann 26. nóvember og verður sýnd í viku. Myndin segir af sjávarþorpinu Flateyri þar sem íbúar berjast fyrir tilveru sinni og framtíð þorpsins. Með tilkomu kvótakerfisins færðust örlög íbúanna í hendur þeirra sem réðu kvótanum.

Sjónvarpsþáttaröðin Ófærð fékk 75 milljónir króna frá Creative Europe, kvikmynda- og sjónvarpsáætlun ESB, sem á dögunum úthlutaði alls um 700 milljónum króna. Annað íslenskt verkefni, heimildamyndin Garn í stjórn Unu Lorenzen fékk sjö milljónir króna og því rann alls 12% úthlutunarinnar til íslenskra verkefna. Svo hátt hlutfall hefur aldrei áður farið til neins aðildarlands í einni úthlutun.

Suður-afríska/íslenska kvikmyndin Of Good Report verður frumsýnd í Bíó Paradís þann 23. janúar að viðstöddum leikstjóra myndarinnar, Jahmil X.T. Qubeka.