Ljósbrot Rúnars Rúnarssonar hlaut Drekaverðlaunin sem besta norræna kvikmyndin á kvikmyndahátíðinni í Gautaborg, stærstu kvikmyndahátíð Norðurlanda. Verðlaunaafhending fór fram í gærkvöldi og Heather Millard framleiðandi tók við verðlaununum.
Í umsögn dómnefndar segir að myndin hafi hrifið þau með meistaralega nákvæmri leikstjórn, næmni og fínlegum léttleika sem og óvænt upplífgandi lýsingu leikstjórans á sorginni. Þessu hafi síðan verið örugglega komið til skila af ungum og fullkomlega samsettum leikarahóp.
Verðlaunaféð nemur um 5,1 milljón íslenskra króna (400.000 sænskum krónum). Samstarfsaðilar keppninnar eru Västra Götalandssvæðið og Gautaborg.
Þetta eru fjórtándu alþjóðlegu kvikmyndaverðlaun Ljósbrots.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
