Á ferð með mömmu er með mesta aðsókn íslenskra kvikmynda í vikunni sem leið.
Volaða land var frumsýnd á föstudag og sáu hana 563 yfir opnunarhelgina, en alls 961 með forsýningum. Líklegt er að hún endi öðru hvoru megin við fimm þúsund gesti þegar upp er staðið.
Á ferð með mömmu sáu 1,592 í vikunni en alls nemur heildarfjöldi gesta 5,176 eftir þriðju sýningarhelgi.
1,388 gestir sáu Napóleonsskjölin í vikunni, en alls hafa 25,415 séð hana eftir sjöttu sýningarhelgi.
Villibráð sáu 947 gestir í vikunni, en alls nemur heildarfjöldi gesta 53,099 eftir tíundu sýningarhelgi.
Aðsókn á íslenskar myndir 6.-12. mars 2023
| VIKUR | MYND | AÐSÓKN (SÍÐAST) | ALLS (SÍÐAST) |
| 3 | Á ferð með mömmu | 1,592 (1,642) | 5,176 (3,584) |
| 6 | Napóleonsskjölin | 1,388 (1,966) | 25,415 (24,027) |
| 10 | Villibráð | 947 (1,410) | 53,099 (52,152) |
| Ný | Volaða land | 563 (helgin) | 961 (með forsýningum) |
(Heimild: FRISK – Theatrical Box Office Reports Iceland)
