RIFF 2020

Bransadagar RIFF fórum fram 1.-2. október. Í ár var meðal annars rætt um kvikmyndalandið Ísland og þá möguleika sem það býður uppá. Einnig var rýnt í þær áskoranir sem blasa við kvikmyndaheiminum í kjölfar heimsfaraldurs, auk þess sem ungt og upprennandi fólk í kvikmyndum og sjónvarpi sagði frá reynslu sinni.

Verðlaunaafhenfing RIFF, Alþjóðlegrar kvikmyndahátíðar í Reykjavík, fór fram í gærkvöldi á netinu. Þetta er ekki jarðarför, þetta er upprisa (This is Not a Burial, It’s a Res­ur­recti­on) hlaut Gyllta lundann, aðalverðlaun hátíðarinnar í ár. Myndin er í leikstjórn Lemohangs Jerem­iahs Moseses hand­rits­höf­und­ar, leik­stjóra og listamanns frá Lesótó.

Hinir árlegu Bransadagar RIFF verða settir fimmtudaginn 1. október. Í ár er lögð áhersla á að kynna ný íslensk verk í vinnslu og kvikmyndalandið Ísland auk þess sem rýnt verður í þær áskoranir sem blasa við kvikmyndaheiminum í kjölfar heimsfaraldurs.

Björg Magnúsdóttir, einn handritshöfunda þáttanna Ráðherrann, var fengin til að flytja hina árlegu hátíðargusu RIFF. Hér fer ræða hennar.

Nýjar íslenskar stuttmyndir, heimildamyndir og bíómyndir verða frumsýndar á RIFF hátíðinni. Hér er farið yfir það helsta.

Bransadagar RIFF fara fram samhliða hátíðinni og þar er að finna ýmiskonar viðburði, meistaraspjall, frásagnir úr baráttunni og pallborðsumræður um það sem hæst ber þessi misserin.

RIFF, alþjóðleg kvikmyndahátíð í Reykjavík, verður sett í 17. sinn þann 24. september næstkomandi og stendur til 4. október.

Anna Hildur Hildibrandsdóttir frumsýnir nýja heimildamynd sína, A Song Called Hate (Hatrið) á væntanlegri RIFF hátíð. Fréttablaðið ræddi við hana og Klemens Hannigan Hatarameðlim um myndina sem fjallar um ferð hljómsveitarinnar Hatari á Eurovison vorið 2019.

Sjötíu stelpur í 8. og 9. bekk spreyta sig á kvikmyndagerð í kvikmyndasmiðjunni Stelpur filma! sem nú stendur yfir á vegum RIFF í samstarfi við Skóla- og frístundasvið Reykjavíkurborgar.

RIFF hátíðin verður að mestu leyti haldin á netinu í ár, en þó fara bransadagar fram í Norræna húsinu og í samræmi við reglur um sóttvarnir. Hátíðin verður sett þann 24. september næstkomandi og stendur til 4. október, en áformað er að sýna evrópskar kvikmyndir fram eftir hausti á sérstökum þemavikum og byggja brú yfir til Evrópsku kvikmyndaverðlaunanna sem eiga að fara fram í Hörpu í desember.

Frédéric Boyer, dagskrárstjóri hinna kunnu kvikmyndahátíða Les Arcs og Tribeca, fer fyrir dagskrárnefnd RIFF í ár og ber ábyrgð á keppnisflokknum Vitrunum. 

RIFF hátíðin verður haldin í 17. sinn dagana 24. september til 4. október næstkomandi. Hátíðin kallar nú eftir myndum og rennur frestur út 15. júlí.