Vinsælustu bíómyndirnar 2023, þrjár íslenskar á topp tíu

Heildartekjur aukast um þriðjung frá fyrra ári

Heildartekjur jukust hressilega í fyrra eða um þriðjung miðað við fyrra ár. Samtals nam miðasala í íslenskum kvikmyndahúsum 2023 1.696.182.525 krónum, sem er um 32,5% hækkun frá 2022.

Aðsókn nam alls 1.003.602 gestum, sem er um 18,7% aukning frá 2022.

Heildaraðsókn 79% af 2019

2023 er fyrsta árið síðan 2019 þar sem kvikmyndahúsin sættu ekki tímabundnum takmörkunum vegna Covid faraldursins. Heildaraðsóknin 2023 nemur rétt rúmum 79% af heildaraðsókn 2019. Um mitt árið var aðsóknin komin fast að 90% af aðsókninni fyrir sama tímabil 2019, en árið endar svona vegna þess að flestar myndanna sem fengu mesta aðsókn voru frumsýndar á fyrri helmingi ársins, en þó einnig um sumarið.

Tímabilið í heild lítur þá svona út, skipt eftir árum:

2020: 40% af 2019.
2021: 60% af 2019.
2022: 66% af 2019.
2023: 79% af 2019.

Þetta verður síðasta skiptið þar sem Klapptré ber saman aðsókn viðkomandi árs við tölur frá 2019.

20 vinsælustu myndirnar 2023

Lista yfir tuttugu vinsælustu kvikmyndirnar á árinu 2023 má sjá hér að neðan. FRÍSK raðar myndum ávallt raðað eftir tekjum en ekki aðsókn. Þetta er gert til þess að hlutfall boðsmiða eða afsláttarmiða í umferð hafi ekki áhrif á uppröðun kvikmynda. Alls voru sýndar 141 kvikmyndir í bíóum 2023. Eins og sjá má af listanum hér að neðan tóku efstu 20 myndirnar vel yfir helming af allri aðsókn.

HEIMILD: FRÍSK.