spot_img
HeimNý verk Ný bíómynd, HARMUR, komin í bíó

[Stikla] Ný bíómynd, HARMUR, komin í bíó

-

Sýningar hefjast í dag í Sambíóunum á kvikmyndinni Harmur eftir Ásgeir Sigurðsson og Anton Karl Kristensen.

Harmur fjallar um hinn 20 ára gamla Óliver sem býr með móður sinni og yngri bróður í niðurníddu hverfi í Reykjavík. Hann reynir að tengjast móður sinni nánari böndum en einn dag leiða gjörðir hennar til skelfilegra afleiðinga.

Ásgeir fer með aðalhlutverkið en í öðrum helstu hlutverkum eru Jónas Björn Guðmundsson, Ísgerður Elfa Gunnarsdóttir, Aldís Amah Hamilton, Mikael Emil Kaaber, Jóel Sæmundsson og Ahd Tamimi.

Ásgeir, Anton Karl, Halldór Ísak Ólafsson og Elvar Elvarsson framleiða, en handritið er eftir Ásgeir. Myndin er alfarið fjármögnuð af þremur fyrstnefndu. Þetta eru allt ungir menn, Anton nam kvikmyndagerð við New York Film Academy en Ásgeir hefur unnið vefefni fyrir RÚV.

Stiklu myndarinnar má sjá hér að neðan.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR