HeimNý verk BIRTA eftir Braga Þór Hinriksson frumsýnd 5. nóvember

[Stikla] BIRTA eftir Braga Þór Hinriksson frumsýnd 5. nóvember

-

Kvikmyndin Birta eftir Braga Þór Hinriksson verður frumsýnd í bíó þann 5. nóvember. Stikla myndarinnar er komin út.

Birta gerist í neðra Breiðholti og fjallar um Birtu Bjarkadóttur 11 ára sem heyrir, fyrir slysni, einstæða móður sína sem vinnur myrkrana á milli sem hjúkrunarfræðingur til að ná endum saman, segja við vinkonu í símann að hún hafi ekki efni á að halda jól. Hún þurfi að minnsta kosti hundrað þúsund krónur til að geta haldið mannsæmandi jólahátíð fyrir stelpurnar sínar. Birta tekur þessum fréttum bókstaflega og ákveður að reyna bjarga jólunum fyrir mömmu og litlu systur sína Kötu sem er sex ára. Birta reynir margar leiðir til að hjálpa mömmu sinni án hennar vitneskju að afla fjár en kemst fljótt að því að það er alls ekkert einfalt mál að vinna sér inn pening, hvað þá þegar maður er ellefu ára.

Handrit skrifar Helga Arnardóttir og framleiðandi er H.M.S. Productions í samstarfi við Símann, Senu og Kvikmyndamiðstöð Íslands.

Með aðahlutverk fara Kristín Erla Pétursdóttir í hlutverki Birtu, Salka Sól Eyfeld í hlutverki móður Birtu og Margrét Júlía Reynisdóttir í hlutverki systur Birtu.

Birta var heimsfrumsýnd á kvikmyndahátíðinni Giffoni á Ítalíu í júlí síðastliðnum og fer á margar hátíðir á næstunni. Sölu á heimsvísu annast Studio Hamburg.

Birta verður lokamynd Barnamyndakvikmyndahátíðarinnar í Bíó Paradís í byrjun nóvember og fer svo inn á Sjónvarp Símans Premium 25.nóvember en verður þó aðgengileg í kvikmyndahúsum áfram.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR