Stuttmyndin Wilma í leikstjórn Hauks Björgvinssonar var valin besta stuttmyndin í flokknum „Generator + 16“ á Alþjóðlegu barnakvikmyndahátíðinni í Giffoni á Ítalíu. Hátíðin er ein stærsta barna og unglinga kvikmyndahátíð í heimi.
Wilma er um ungan dreng sem hittir í fyrsta skipti brottfluttan föður sinn sem býr í hjólhýsahverfi. Faðir hans veit þó ekki að núna skilgreinir hann sig sem stelpu.
Myndin var frumsýnd á RIFF árið 2019 en hún hefur einnig hlotið handritaverðlaun á Face á Face í Frakklandi, áhorfendaverðlaun á Luststreifen í Sviss og sérstök dómnefndarverðlaun á Flickerfest stuttmyndahátíðinni.
Nánar upplýsingar um Giffoni kvikmyndahátíðina og verðlaunin má finna hér.
Sjá nánar hér: Wilma vann verðlaun fyrir bestu stuttmyndina í flokki fyrir börn 16 ára og eldri á Giffoni kvikmyndahátíðinni
