Variety skýrir frá.
Reinsve sló í gegn fyrir hlutverk sitt í mynd Joachim Trier, Versta manneskja í heimi (2021) og var meðal annars valin besta leikkonan í Cannes það árið. Hún fer einnig með aðalhlutverk ásamt Stellan Skarsgaard í nýjustu mynd Trier, Sentimental Value, sem nú er í aðalkeppninni í Cannes.
Myndin verður á dönsku, en þetta er í fyrsta sinn sem Payne gerir kvikmynd í Evrópu. Birgitte Skov er framleiðandi fyrir hönd Scanbox, sem er hluti af evrópsku samstæðunni Vuelta Group. Tökur fara fram á næsta ári í Danmörku. Handrit skrifar norski rithöfundurinn og handritshöfundurinn Erlend Loe eftir hugmynd Åke Sandgren.
Searchlight er einn helsti dreifingaraðili listrænni mynda í heiminum. Fyrirtækið dreifði áður tveimur mynda Payne, Sideways og The Descendants. Báðar fengu Óskarsverðlaun fyrir besta handrit byggt á bók.
Þórir Snær segir í viðtali við Variety að aðkoma Searchlight sé einstakt tækifæri fyrir kvikmynd á danskri tungu að finna breiðan áhorfendahóp á heimsvísu.
