Jón Þór hlaut fálkaorðuna fyrir brautryðjandastarf sitt í kvikmyndagerð.
Segir á Facebook síðu Kvikmyndasafns Íslands:
Jón Þór hefur starfað við kvikmynda- og sjónvarpsgerð í tæplega 60 ár eða allt frá því hann var ráðinn sem hljóðmaður í kvikmyndadeild nýstofnaðs Ríkissjónvarps. Hann átti síðar eftir að vera einn af stofnendum framleiðslufyrirtækisins Sagafilm og rak fyrirtækið um árabil. Jón Þór var áberandi í hinu svokallaða íslenska kvikmyndavori og framleiddi m.a. Óðal feðranna. Jón Þór er enn í fullu fjöri í kvikmyndagerðinni og sennilega afar fáir sem eiga lengri feril hér á landi í þeim bransa. Jón er tíður gestur á Kvikmyndasafni Íslands bæði í samviskusamlegum skilum á efni sem hann framleiðir sem og í leit hans að eldra myndefni fyrir framleiðslu sína. Kvikmyndasafn Íslands óskar Jóni Þór Hannessyni innilega til hamingju með fálkaorðuna!
