Leynilögga eftir Hannes Þór Halldórsson hlaut gríðarlega aðsókn á frumsýningarhelginni. Dýrið gengur áfram vel í miðasölunni.
Leynilöggu sáu alls 8,503 gestir um helgina, en með forsýningum frá miðvikudegi hefur myndin fengið hvorki meira né minna en 13,445 gesti. Þetta er á pari við opnunarhelgi Bjarnfreðarson (2009), sem að vísu var óvenju stutt (2 dagar). Bjarnfreðarson fékk alls yfir 66 þúsund gesti í bíó á sínum tíma.
Dýrið sáu 951 í vikunni sem leið en alls hefur myndin fengið 5,602 gesti eftir fimmtu sýningarhelgi. Í Bandaríkjunum er myndin komin með yfir 2,5 milljónir dollara í tekjur eftir þriðju sýningarhelgi.
332 sáu pólsk-íslensku myndina Wolka í vikunni, en myndin hefur alls fengið 1,613 gesti eftir aðra helgi.
Aðsókn á íslenskar myndir 18.-24 okt. 2021
| VIKUR | MYND | AÐSÓKN (SÍÐAST) | ALLS (SÍÐAST) |
|---|---|---|---|
| Ný | Leynilögga | 8,503 (helgin) | 13,445 (með forsýningum frá miðvikudegi) |
| 5 | Dýrið | 951 (1,289) | 5,602 (4,651) |
| 2 | Wolka | 332 (822) | 1,613 (1,281) |
LEIÐRÉTTING: Í upphaflegri frétt var sagt að opnunarhelgi Bjarnfreðarson hefði verið löng. Hið rétta er að hún var stutt, 2 dagar.
