Aðsókn á Dýrið eftir Valdimar Jóhannsson eykst milli vikna og má telja líklegt að velgengni myndarinnar í Bandaríkjunum hafi þar áhrif á. Wolka eftir Árna Ólaf Ásgeirsson opnar í 5. sæti aðsóknarlistans.
Dýrið sáu 1,289 gestir í vikunni sem leið miðað við 719 gesti í vikunni á undan. Alls hefur myndin fengið 4,651 gesti eftir fjórðu sýningarhelgi.
822 sáu pólsk-íslensku myndina Wolka um frumsýningarhelgina, en myndin hefur alls fengið 1,281 gesti með forsýningu.
Aðsókn á íslenskar myndir 11.-17. okt. 2021
| VIKUR | MYND | AÐSÓKN | ALLS (SÍÐAST) |
|---|---|---|---|
| 4 | Dýrið | 1,289 | 4,651 (3,362) |
| Ný | Wolka | 822 | 1,281 (með forsýningu) |
