HeimNý verkÖnnur syrpa STELLU BLÓMKVIST kemur 30. september

Önnur syrpa STELLU BLÓMKVIST kemur 30. september

-

Önnur syrpa spenniuþáttaraðarinnar Stella Blómkvist kemur í Sjónvarp Símans Premium þann 30. september næstkomandi. Kynningarplakat þáttanna var afhjúpað í dag.

Þremur árum eftir örlagaríku atburðina í Stjórnarráðinu er Stella enn að harka, Dagbjört er forsætisráðherra og Ísland er paradís á yfirborðinu. En þegar ný mál koma á borð til Stellu sogast hún aftur í hringiðu glæpa og valdatafls, þar sem hún mætir hættulegri andstæðingum en hún hefur áður kynnst.

Óskar Þór Axelsson og Þóra Hilmarsdóttir leikstýra þáttunum. Handrit skrifa Dóra Jóhannsdóttir, Jóhann Ævar Grímsson, Snjólaug Lúðvíksdóttir og Jónas Margeir Ingólfsson.

Heiða Reed, Kristín Þóra Haraldsdóttir, Þorsteinn Guðmundsson og Sara Dögg Ásgeirsdóttir fara áfram með helstu hlutverkin.

Framleiðendur eru Anna Vigdís Gísladóttir, Hilmar Sigurðsson og Kjartan Þór Þórðarson fyrir Sagafilm. Viaplay er meðframleiðandi.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR