[Plakat, stikla] DÝRIÐ frumsýnd 24. september

Dýrið eftir Valdimar Jóhannsson verður frumsýnd í kvikmyndahúsum þann 24. september.

Myndin, sem hlaut frumleikaverðlaun og mikið umtal á Cannes hátíðinni í sumar, segir frá sauðfjárbændunum Maríu og Ingvari sem búa í fögrum en afskekktum dal. Þegar dularfull vera fæðist á bóndabænum ákveða þau að halda henni og ala upp sem sitt eigið afkvæmi. Vonin um nýja fjölskyldu færir þeim mikla hamingju um stund.

Valdimar leikstýrir og skrifar handrit ásamt Sjón. Með aðalhlutverk fara Noomi Rapace, Hilmir Snær Guðnason og Björn Hlynur Haraldsson.

Hrönn Kristinsdóttir og Sara Nassim framleiða fyrir Go to Sheep.

TENGT EFNI