Um 128 þúsund manns horfðu á fyrsta þátt Ófærðar í gærkvöldi samkvæmt bráðabirgðatölum frá Gallup. Meðaláhorf reyndist 49 prósent en uppsafnað áhorf 53 prósent. Þetta er svipað áhorf og þættirnir Hraunið nutu á sömu sjónvarpsstöð fyrir rúmu ári.
LEIÐRÉTTING 29.2.2016: Í upphaflegri frétt var þess getið að fyrsti þáttur Ófærðar hefði fengið svipað áhorf og þættirnir Hraunið nutu á sömu sjónvarpsstöð. Þetta er rangt, sambærilegir hlutir voru ekki bornir saman. Ritstjóri Klapptrés stóð í þeim skilningi að í áhorfstölum Hraunsins væri aðeins að finna tölur um línulegt áhorf en komið hefur í ljós að tölurnar innihalda einnig hliðrað áhorf. Ofangreindar áhorfstölur á Ófærð eru hinsvegar bráðabirgðatölur eins og fram kemur og innihalda eðlilega ekki hliðrað áhorf. Þær upplýsingar má finna hér. Lesendur og hlutaðeigandi eru beðnir afsökunar á mistökunum og leiðréttast þau hér með.
Sjá nánar hér: 128 þúsund horfðu á Ófærð í gærkvöld | RÚV
