Heim Gagnrýni Morgunblaðið: "Málmhaus" eftirminnileg mynd og sjónrænt mjög sterk

Morgunblaðið: „Málmhaus“ eftirminnileg mynd og sjónrænt mjög sterk

-

Myndin var frumsýnd 11. október hér á landi.
Myndin var frumsýnd 11. október hér á landi.

Hjördís Stefánsdóttir hjá Morgunblaðinu skrifar um Málmhaus Ragnars Bragasonar og gefur henni fjórar stjörnur af fimm mögulegum. Hér er úrdrættir úr umsögn hennar:

„Upphafssenan er afar sláandi en hún er jafnframt sú langrismesta í myndinni. Í kjölfarið fylgir eiginlega aflíðandi spennufall. Þar greinir frá löngu og átakanlegu erfiðleikatímabili í lífi aðalpersóna sem er svo til lykta leitt með fullsnyrtilegri úrlausn alveg í blálokin. Myndin heldur áhorfendum samt hugföngnum út í gegn og margar senur eru ansi magnaðar þótt þær nái ekki að toppa þá fyrstu.“

Á öðrum stað segir Hjördís:

„Myndin er hádramatísk en reglulega er bryddað upp á góðu gríni í frásögninni sem léttir hana töluvert. Beljur Heru baula til að mynda af öllum lífs og sálar kröftum undir þungarokksflutningi hennar í eftirminnilegu atriði. Á öðrum stað húka þrír erlendir þungarokkarar, eins og álfar út úr hól, í aftursæti á smábíl og hyggjast hlýða á gott rokk úr græjunum en þeim að óvörum tekur tónlist Geirmundar Valtýssonar að óma. Kostulegustu brandararnir skrifast þó á afar vandræðalegan biðil Heru (Hannes Óli Ágústsson), sem finnst ekkert óheppilegt við það að tjá henni kynferðislegar langanir sínar með því að ræða við hana um atferli dýra.“

Og bætir síðan við:

„Málmhaus er eftirminnileg mynd og sjónrænt mjög sterk. Leikurinn er sömuleiðis góður. Þorbjörg Helga er augljóslega rísandi stjarna og tjáning hennar hispurslaus og kraftmikil. Halldóra og Ingvar eiga sömuleiðis bæði stórleik og það sama má segja um Svein Ólaf sem einhvern veginn nær alltaf að gæða persónur sínar einstöku lífi.“

 

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.