Forsaga málsins er sú að í mars varð rekstrarfélag Kvikmyndaskóla Íslands gjaldþrota. Í apríl keypti þekkingarfyrirtækið Rafmennt tæki skólans af þrotabúinu og bauð nemendum að klára önnina hjá sér. Rafmennt er rekið á vegum Rafiðnaðarsambands Íslands og hefur meðal annars um árabil verið með nám í kvikmyndagerð undir heitinu Kvikmyndatækni.
Starfsemin hefur verið rekin í húsnæði Stúdíó Sýrlands að Vatnagörðum 4 við Sundahöfn. Á sama stað var Sagafilm til húsa frá síðari hluta níunda áratugsins fram yfir aldamót.
Á vef Kvikmyndaskóla Íslands er að finna frétt um að Rafmennt hafi tekið við Kvikmyndaskólanum. Þar segir meðal annars:
Og einnig:
Í dag barst Klapptré eftirfarandi fréttatilkynning:
Í lok síðustu viku flutti Kvikmyndaskólinn af Suðurlandsbraut 18 í Vatnagarða 4. Flutningum lauk síðastliðinn föstudag. Kennsla samkvæmt stundaskrá hófst í nýja húsnæðinu á mánudag.
Aðstaðan í Vatnagörðum er fyrsta flokks. Nemendur hafa aðgang að fjórum minni myndverum, einu stóru myndveri, sex hljóðverum auk alls þess nýjasta í tæknibúnaði fyrir kvikmyndagerð.
Í Kvikmyndaskólanum eru nú sextíu nemendur. Tuttugu og sjö þeirra munu útskrifast frá skólanum í vor.
Stefnt er að því að ný heimasíða skólans verði opnuð um miðjan maí og í framhaldinu opnað fyrir umsóknir um nám á skóaárinu 2025-2026. Áfram verður kennt eftir viðurkenndum námsbrautum Kvikmyndaskólans.
