Stuttmyndin O (Hringur) eftir Rúnar Rúnarsson, hlaut áhorfendaverðlaun alþjóðlegu kvikmyndahátíðarinnar í Tampere í Finnlandi, sem er stærsta stuttmyndahátíðin á Norðurlöndum.
Verðlaunin voru afhent laugardaginn 8. mars. Þetta eru fjórðu alþjóðlegu verðlaun myndarinnar og er hún í forvali Evrópsku kvikmyndaverðlaunanna 2025.
Ingvar E. Sigurðsson fer með aðalhlutverkið. Framleiðandi myndarinnar er Heather Millard.
O (Hringur) er ljóðræn frásögn af manni sem vill standa sig en hans helsta hindrun er hann sjálfur. Myndin var frumsýnd á kvikmyndahátíðinni í Feneyjum í haust og hefur verið á ferðalagi um heiminn síðan.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
