Stuttmyndin Sætur (Felt Cute),eftir Önnu Karín Lárusdóttur var valin besta norræna stuttmyndin á Buster, stærstu kvikmyndahátíð sem helguð er börnum- og ungmennum í Danmörku.
Myndin var valin stuttmynd ársins á Eddunni 2024 og var Anna Karín einnnig valin uppgötvun ársins.
Sætur segir frá hinum 11 ára Breka sem prófar sig áfram með farða systur sinnar og föt þegar hann er einn heima.
Dómnefndin heillaðist af uppbyggilegri og fallegri sögu, sem sé römmuð inn af fallegri sviðsmynd. „Sá þáttur myndarinnar sem snýr að tjáningu og könnun á kyngervi er einstaklega vel fléttaður við sögu af systkinaerjum og þeim áskorunum sem felast í því að þroskast og vaxa upp.“
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
