Segir á vef ráðuneytisins:
Gert er ráð fyrir að innleiðing á svokölluðu menningarframlagi muni hefjast á árinu 2025 og að það fari að skila Kvikmyndasjóði fjármunum á árinu 2026, en áætlað er að framlagið muni skila sjóðnum 260 m.kr. á ári. Með menningarframlaginu verður lögfest ný skylda á hendur streymisveitum til að greiða fjárframlag, sem rennur til Kvikmyndasjóðs, og nemur að hámarki 5% af áskriftartekjum af starfsemi streymisveitunnar á Íslandi á ársgrundvelli eða skyldu til að fjárfesta með beinum hætti í framleiðslu í innlendu hljóð- og myndefni. Streymisveitur sem uppfylla skilyrði um lágmarksfjárfestingu í framleiðslu á íslensku efni verða því undanþegin framlaginu. Ýmis ríki í Evrópu hafa innleitt svipað fyrirkomulag til þess að efla innlenda menningu og tungu.
Fjallað er um fyrirhugað frumvarp um menningarframlag streymisveita í frétt Klapptrés hér að neðan.
Tekjur af menningarframlagi streymisveita gætu numið um 260 milljónum króna
