Meðal annars kom fram í máli hans að aukning á umsóknum frá því hann tók við fyrir um ári síðan væri um 70%. Gísli sagði ljóst að hinn mikli vöxtur í íslenskri kvikmyndagerð, sem staðið hefur um árabil, væri enn í fullum gangi.
Þess má geta að framlög til Kvikmyndamiðstöðvar Íslands hafa verið skorin hressilega niður á síðustu tveimur árum, eða sem nemur rúmum þriðjungi.
Gísli benti einnig á að umsóknir um gerð kvikmynda fyrir börn væru afar fáar og mátti á honum skilja að kvikmyndagerðarfólk mætti gefa þar hressilega í.
Hann fór einnig yfir þær breytingar sem unnið er að varðandi mat á umsóknum og vinnubrögðum ráðgjafa.
