Peter Bradshaw gagnrýnandi The Guardian hefur birt árlegan lista sinn, The Braddies, yfir bestu myndir ársins. Hann tínir einnig til leikstjóra, handritshöfunda, leikara, tökumenn og aðra. Volaða land Hlyns Pálmasonar er meðal bestu mynda ársins. Ingvar E. Sigurðsson er nefndur til sögu í flokknum besta aukahlutverk ársins og Maria von Hausswolff er meðal þeirra sem nefnd eru fyrir bestu kvikmyndatöku.
Greinina má lesa hér.
Klapptré hefur áður sagt frá því að myndin var á mörgum listum gagnrýnenda í Bandaríkjunum yfir bestu myndir ársins. Þá er myndin tilnefnd til Film Independent Spirit verðlaunanna og er á stuttlista Óskarsverðlauna.
