Napóleonsskjölin nálgast 19 þúsund gesti eftir þriðju helgi og Villibráð nálgast 48 þúsund manns eftir sjöundu helgi.
4,919 gestir sáu Napóleonsskjölin í vikunni, en alls hafa 18,733 séð hana eftir þriðju sýningarhelgi.
Villibráð sáu 3,788 gestir í vikunni, en alls nemur heildarfjöldi gesta 47,927 eftir sjöundu sýningarhelgi. Ljóst er að myndin fer í vikunni inná topp tíu listann yfir mest sóttu myndirnar frá upphafi mælinga (Vonarstræti er nú í 10. sæti með alls 47,982 gesti). Þá mun hún einnig verða fyrsta myndin sem fer yfir 100 milljóna króna múrinn í miðasölutekjum. Heildartekjur myndarinnar nú nema 99,451,413 krónum. Hafa ber í huga að nokkrar eldri myndir fengu hærri tekjur miðað við núvirðingu.
Aðsókn á íslenskar myndir 13.-19. feb. 2023
| VIKUR | MYND | AÐSÓKN (SÍÐAST) | ALLS (SÍÐAST) |
| 3 | Napóleonsskjölin | 4,919 (7,122) | 18,733 (13,814) |
| 7 | Villibráð | 3,788 (4,568) | 47,927 (44,139) |
(Heimild: FRISK – Theatrical Box Office Reports Iceland)
