[Stikla] ÞRIÐJI PÓLLINN, frumsýnd 27. mars

[Stiklur] HÚSMÆÐRASKÓLINN og Á MÓTI STRAUMNUM sýndar í Bíó Paradís

Þrjár nýjar íslenskar heimildamyndir eru nú í almennum sýningum eftir frumsýningu á RIFF. Þetta eru Þriðji póllinn eftir Anní Ólafsdóttur og Andra Snæ Magnason, Húsmæðaskólinn eftir Stefaníu Thors og Á móti straumnum eftir Óskar Pál Sveinsson.

[Stikla] RÁÐHERRANN hefst 20. september á RÚV

Þáttaröðin Ráðherrann, sem Sagafilm framleiðir, hefur göngu sína á RÚV 20. september næstkomandi. Kitla þáttanna er komin út.

[Stikla] ÞRIÐJI PÓLLINN opnunarmynd RIFF 2020

Heimildamyndin Þriðji póllinn eftir Andra Snæ Magnason og Anní Ólafsdóttur verður opnunarmynd RIFF í ár. Myndin verður frumsýnd í Háskólabíói 24. september þegar hátíðin verður sett í sautjánda sinn. Sena dreifir myndinni sem verður tekin til almennra sýninga eftir frumsýningu.

[Stikla] VENJULEGT FÓLK 3, kemur í Sjónvarp Símans 28. október

Þriðja syrpa þáttaraðarinnar Venjulegt fólk kemur í Sjónvarp Símans Premium þann 28. október. Stikla þáttanna er komin út.

[Stikla] EUROGARÐURINN hefst 27. september á Stöð 2

Þáttaröðin Eurogarðurinn hefst á Stöð 2 þann 27. september. Þættirnir eru átta talsins og gerast í Húsdýragarðinum.

Stikla heimildamyndarinnar Þriðji póllinn eftir Andra Snæ Magnason og Anní Ólafsdóttur hefur verið birt á Vísi. Sýningar á myndinni hefjast 27. mars í Senubíóunum.

Á Vísi.is segir um myndina:

Þriðji póllinn er heimildarmynd í fullri lengd sem fjallar um geðhvörf með söngvum og fílum. Söguhetjur eru Högni Egilsson, tónlistarmaður, og Anna Tara Edwards, íslensk kona sem ólst upp í frumskógum Nepals innan um tígrisdýr og nashyrninga.

Anna Tara veiktist af geðhvörfum upp úr tvítugu og missti móður sína úr sama sjúkdómi. Hún lifði í skugga veikindanna um árabil, en þegar Högni Egilsson steig fram með sína sögu ákvað hún að feta sömu leið, skora skömmina á hólm og efna til tónleika til vitundarvakningar um geðsjúkdóma í Kathmandu, höfuðborg Nepals. Hún fékk Högna til að spila á tónleikunum og fyrir ágóðann var opnuð hjálparlína fyrir fólk í sjálfsvígshugleiðingum í Nepal.

Fá að heyra þeirra hlið

Þriðji póllinn fylgir Önnu Töru og Högna um framandi slóðir í aðdraganda tónleikanna.

Í kvikmyndinni fá áhorfendur að heyra þeirra hliðar á sjúkdómnum; um hæðirnar og hinar miklu lægðir og leitina að jafnvægi. Þriðji Póllinn er ekki hefðbundin fræðslumynd heldur innsýn í hugsun og veruleika tveggja einstaklinga sem hafa glímt við sama sjúkdóm. Þetta er ferðasaga, mynd um óvænta vináttu og hreinskilin og opin umræða um hvað það þýðir að vera með geðsjúkdóm, og vera aðstandandi. Sögur þeirra lýsa bæði alvarleika sjúkdómsins, en einnig sigrum, og gefa umfram allt von.

Þetta er fyrsta mynd Anní Ólafsdóttur í fullri lengd en Andri Snær Magnason hefur áður leikstýrt Draumalandinu ásamt Þorfinni Guðnasyni, sem var aðsóknarmesta heimildarmynd Íslandssögunnar.

Framleiðendur myndarinnar eru:  Andri Snær Magnason, Hlín Jóhannesdóttir, Halldóra Þorláksdóttir og Sigurður Gísli Pálmason. Samstarf hefur verið við Geðhjálp, Landlæknisembættið og Píeta, samtök gegn sjálfsvígum. Sena dreifir myndinni en fyrirhuguð frumsýning í kvikmyndahúsum er 27. mars. Hátíðarfrumsýning verður þann 24. mars í Háskólabíó.

Hér að neðan má sjá fyrstu stikluna úr myndinni.

Sjá nánar hér: visir.is

TENGT EFNI

AGNES JOY framlag Íslands til Óskarsverðlauna

Kvikmyndin Agnes Joy verður framlag Íslands til Óskarsverðlauna 2021. Myndin var valin af dómnefnd Íslensku kvikmynda- og sjónvarpsakademíunnar, en í henni í sátu fulltrúar helstu fagfélaga íslenska kvikmyndaiðnaðarins, auk fulltrúa kvikmyndahúsa, gagnrýnenda og Kvikmyndamiðstöðvar Íslands.