Undir trénu eftir Hafstein Gunnar Sigurðsson hlaut aðalverðlaun Anonimul kvikmyndahátíðarinnar sem haldin var við Svartahafið í Rúmeníu um síðastliðna helgi. Verðlaunin voru veitt af áhorfendunum og var Hafsteinn Gunnar viðstaddur verðlaunaafhendinguna. Þetta eru 8. alþjóðlegu verðlaun myndarinnar.
Undir trénu opnaði einnig í rúmenskum kvikmyndahúsum um liðna helgi auk þess sem hún var tekin til sýninga í Bretlandi á sama tíma. Gagnrýnendur í Bretlandi eru mjög jákvæðir og fær myndin til að mynda 4 stjörnur í The Independent.
Myndin verður tekin til sýninga í frönskum kvikmyndahúsum fimmtudaginn 16. ágúst.
