Framleiðslufyrirtækið Republik hefur sent frá sér yfirlýsingu í tengslum við umræður um kynbundið ofbeldi, áreiti og mismunun í kvikmyndagerð og sviðslistum, þar sem sem fram kemur að fyrirtækið taki þeirri áskorun að uppræta kynbundið áreiti í íslenskri kvikmyndagerð.
Yfirlýsingin er svo:
Kvikmyndaframleiðslufyrirtækið Republik tekur þeirri áskorun um að uppræta kynbundið áreiti í íslenskri kvikmyndagerð.
Republik tekur mjög alvarlega þeirri ábyrgð að skapa starfsfólki í kvikmyndargerð öruggara og betra starfsumhverfi. Mynda þarf breiða samstöðu í kvikmyndagreininni um að breyta þeim viðhorfum sem ríkt hafa og er Republik reiðubúið til að taka þátt í því starfi. Um leið viljum við einnig vinna að því af okkar fremsta megni að því sýnilega og ósýnilega valdaójafnvægi sem ríkir á milli kynjanna verði eytt. Við fordæmum kynferðisofbeldi og valdníðslu. Stefna fyrirtækisins er skýr, að koma fram við alla af virðingu og jafnræði.
