Viðtalið í heild sinni má lesa hér.
Hlynur ræðir stöðuna í íslenskri kvikmyndagerð og er ómyrkur í máli vegna hins mikla niðurskurðar á Kvikmyndasjóði á undanförnum árum, sem óvíst er enn hvort bætt verði úr.
„Ég hef ekki hugmynd um hvernig við ætlum að halda áfram,“ segir hann í viðtalinu. „Síðustu tvö ár hafa verið erfið. Grundvöllurinn í kvikmyndagerð okkar hefur verið mjög ótraustur og það er mjög erfitt að þróa eitthvað yfir langan tíma. Ég hef farið þá leið að gera til skiptis íslenska mynd og danska (Hlynur lærði og bjó í Danmörku í 10 ár og næsta mynd hans, Á landi og sjó, verður fjármögnuð að mestu leyti af Dönum). Það er eina leiðin til að lifa af og við erum ekki einu sinni að gera dýrar myndir.“
